Abstract:
Дәрісте профессор Абай шығармаларындағы ізгілік, адамгершілік ойларды рухани айналымға түсіріп, ең алдымен, жастарды Абай талабымен тәрбиелеп, азаматтық санаға жеткізіп, отбасылық жауапкершілікке даярлауды сөз етеді. Сонан соң өмірге келген бүлдіршінді отбасында, бала-бақшада оқушыны мектепте Абаймен, оның шығармаларымен таныстырудың жолдарын, әдістерін айтады. Уақыт талабына сай Тәуелсіз Қазақ Елінің мәңгілігіне қызмет жасайтын ұрпақты даярлау, сана биігіне жеткізу бүгінгі таңда ең өзекті мәселе екендігін де автор тілге тиек етеді.